2024 жыл мамыр айының 20 - 29 жұлдызы аралығында Назарбаев университетінің қолдауымен, Түркі академиясының ұйымдастыруымен өткізілетін «Білім беру, тілдерді оқыту мен ғылыми зерттеу салаcына жасанды интеллект (AI) және EdTech цифрлық технологияларын тиімді интеграциялау» тақырыбындағы халықаралық ғылыми-әдістемелік семинар-тренингке шақырамыз.

 

Семинар-тренингтің мақсаты: Жалпы білім беру, тілдерді (қазақ, қырғыз, өзбек, түрік, ағылшын т.б) практикалық, кәсіби бағытта оқыту мен ғылыми зерттеу жұмыстарын жүргізуде жасанды интеллект пен цифрлық технологияларды тиімді қолданудың теориялық-әдістемелік негіздері және тәжірибелерімен бөлісу. ЖИ қолдануда ғылыми этикетті сақтау талаптары, ғылыми зерттеу жұмыстарын жүргізудің әдістері мен өзекті мәселелерін талдау.

​

Семинар спикерлері: АҚШ, Түркия, Қазақстан, Қырғызстан, Өзбекстан университеттері, Назарбаев университеті профессорлары мен НУ ISSAI - Ақылды жүйелер мен жасанды интеллект институты және ғылыми зерттеу, әдістеме орталықтарының ғалымдары. 

Семинар қазақ, ағылшын, қырғыз, өзбек, түрік тілдерінде жүргізіледі.

 

Қатысушылар: Семинарға Қазақстан, Азербайджан, Қырғызстан, Өзбекстан ЖОО ғалымдары мен оқытушылары және орта білім беру саласының педагог мамандары, докторанттар, магистранттар, мемлекеттік тілді оқыту орталықтары мен ғылыми зерттеу институттардың қызметкерлері, болашақ тіл мамандары қатыса алады.

 

Семинарға қатысушыларға 72 сағаттық сертификат беріледі. Сонымен қатар, семинар материалдары мен видеожазбалары арнайы вебсайтта қолжетімді болады.